గ్రేటర్ నోయిడా, సెప్టెంబర్ 20: సెప్టెంబర్ 25 నుంచి గ్రేటర్ నోయిడాలోని ఇండియా ఎక్స్‌పో మార్ట్‌లో జరగనున్న అంతర్జాతీయ వాణిజ్య ప్రదర్శనకు ఏర్పాట్లు తుది దశకు చేరుకున్నాయి. దేశ, విదేశాల నుంచి పారిశ్రామికవేత్తలు, పెట్టుబడిదారులు పాల్గొననున్నారు.
రాష్ట్రంలో పెట్టుబడులను ఆకర్షించే లక్ష్యంతో ఈ ప్రదర్శనను నిర్వహిస్తున్నట్టు రాష్ట్ర పారిశ్రామిక అభివృద్ధి శాఖ అధికారులు తెలిపారు. ఎంఎస్ఎంఈ, తయారీ, ఎగుమతి రంగాలకు చెందిన వందలాది స్టాళ్లు ఏర్పాటు కానున్నాయి.
భద్రతా ఏర్పాట్లు, రవాణా సదుపాయాలపై ముఖ్యమంత్రి యోగి ఆదిత్యనాథ్ ఇప్పటికే జిల్లా యంత్రాంగంతో సమీక్ష నిర్వహించారు. సందర్శకుల సౌకర్యార్థం ప్రత్యేక బస్సు సర్వీసులు ఏర్పాటు చేయనున్నట్టు అధికారులు వెల్లడించారు.