కరీంనగర్, సెప్టెంబర్ 30: రాష్ట్ర సమస్యల పరిష్కారానికి ప్రధానమంత్రిని, కేంద్ర మంత్రులను అవసరమైనన్ని సార్లు కలుస్తానని తెలంగాణ ముఖ్యమంత్రి ఎ. రేవంత్ రెడ్డి పునరుద్ఘాటించారు. కరీంనగర్‌లో కొత్త జిల్లా కలెక్టరేట్ కార్యాలయాన్ని బుధవారం ప్రారంభించిన ఆయన, అక్కడ తొలి సమీక్షా సమావేశాన్ని నిర్వహించినట్లు ఏఎన్ఐ వార్తా సంస్థ తెలిపింది.
రాష్ట్రాలు, కేంద్రం పరస్పర సహకార స్ఫూర్తితో ముందుకు సాగాలని సీఎం అన్నారు. కేంద్రం నుంచి అవసరమైన అనుమతులు లేకుండా వందల కోట్ల రూపాయలు వెచ్చించి నిర్మించిన ప్రాజెక్టులతో ప్రయోజనం ఉండదని వ్యాఖ్యానించారు. 'సైద్ధాంతిక విభేదాలు ఉండొచ్చు, కానీ అభివృద్ధి కోసం పరస్పరం సహకరించుకోవాలి' అని ఆయన చెప్పారు.
పేదలకు సేవలు అందించడంలో ఉద్యోగులు కీలక పాత్ర పోషించాలని కూడా ముఖ్యమంత్రి సమీక్షా సమావేశంలో పిలుపునిచ్చారు.