చెన్నై, అక్టోబర్ 2: మహిళలకు ఉచిత బస్సు ప్రయాణ సదుపాయం కల్పించే 'వెట్రి పయనం' పథకం విస్తరణను తమిళనాడు ముఖ్యమంత్రి విజయ్ శుక్రవారం చెన్నై కోయంబేడు బస్ టెర్మినస్‌లో ప్రారంభించారు. జాతిపిత మహాత్మా గాంధీ జయంతి సందర్భంగా పలు బస్సుల్లో ఉచిత ప్రయాణ టికెట్లు జారీ చేసి పథకాన్ని ప్రారంభించారు. ఆగస్టులో అసెంబ్లీలో చేసిన ప్రకటన మేరకు ఈ విస్తరణ చేపట్టారు.
తెల్లటి పట్టు పంచె, పట్టు చొక్కాతో వచ్చిన విజయ్ మహిళా ప్రయాణికులతో ముచ్చటించగా, వారు సెల్ఫీలు తీసుకున్నారు. ఉప ఎన్నికల కారణంగా మదురాంతకం, ధారాపురం మినహా రాష్ట్రమంతటా ఈ విస్తరణ అమలవుతుందని, ఈ ప్రయోజనం దివ్యాంగులకు కూడా వర్తిస్తుందని రవాణా శాఖ మంత్రి ప్రకటించారు. (యూఎన్ఐ)