లఖ్‌నవూ, అక్టోబర్ 16 (ఎక్స్‌ప్రెస్ టుడే): దేశంలో గందరగోళం సృష్టించేందుకు ప్రజాస్వామ్యం ఎవరికీ లైసెన్స్ ఇవ్వదని కేంద్ర రక్షణ మంత్రి రాజ్‌నాథ్ సింగ్ అన్నారు.
ఉత్తరప్రదేశ్ రాజధాని లఖ్‌నవూలో జరిగిన మీడియా సమావేశంలో మాట్లాడిన ఆయన, యువశక్తిని వాడుకుంటూ విపక్షాలు అరాచకాన్ని వ్యాప్తి చేస్తున్నాయని ఆరోపించారు. బంగ్లాదేశ్ తరహా పాలన మార్పును కాంగ్రెస్, దాని మిత్రపక్షాలు కోరుకుంటున్నాయని విమర్శించారు. దేశాభివృద్ధిలో యువత నిర్మాణాత్మక పాత్ర పోషించేలా మార్గనిర్దేశం చేయాల్సింది పోయి, రాజకీయ లక్ష్యాల కోసం వారిని ఉపయోగించుకుంటున్నాయని అన్నారు.
శాంతిభద్రతలను కాపాడేందుకు చట్టాన్ని గౌరవించడం అత్యవసరమని ఆయన స్పష్టం చేశారు. కాంగ్రెస్ అగ్రనేత రాహుల్ గాంధీ ఇకనైనా ప్రజా తీర్పును గౌరవించి, రాజకీయాల్లో తన పాత్రపై ఆత్మపరిశీలన చేసుకోవాలని సూచించారు. విపక్షాల ర్యాలీని తప్పుబడుతూ సుప్రీంకోర్టు చేసిన వ్యాఖ్యలను కూడా రక్షణ మంత్రి సమర్థించారు.