ఎల్‌నినో వాతావరణ పరిస్థితుల ప్రభావంతో దేశవ్యాప్తంగా డెంగ్యూ, మలేరియా కేసులు గణనీయంగా పెరుగుతున్నాయని ప్రపంచ ఆరోగ్య సంస్థ (డబ్ల్యూహెచ్‌వో) అధిక-ముప్పు హెచ్చరిక జారీ చేసింది. అధిక ఉష్ణోగ్రతలు, అనూహ్య వర్షపాతం దోమల వృద్ధికి అనుకూలంగా మారడంతో వ్యాధుల వ్యాప్తి పెరుగుతోందని పేర్కొంది.
- ఎల్‌నినో ప్రభావంతో డెంగ్యూ, మలేరియా కేసుల్లో గణనీయ పెరుగుదల
- భారత్‌లో అధిక ముప్పుపై డబ్ల్యూహెచ్‌వో హెచ్చరిక
- నివారణ చర్యలు చేపట్టాలని రాష్ట్రాలకు కేంద్రం సూచన
వర్షాకాలం అనంతరం నిలిచిన నీటి వద్ద దోమల ఉత్పత్తి పెరగడంతో దేశంలోని పలు రాష్ట్రాల్లో డెంగ్యూ, మలేరియా కేసులు నమోదవుతున్నాయని ఆరోగ్య నిపుణులు తెలిపారు. ముందస్తు నివారణ చర్యలు చేపట్టాలని, నీరు నిల్వ ఉండకుండా జాగ్రత్తలు తీసుకోవాలని ప్రజలకు సూచించారు.
రాష్ట్రాలు అప్రమత్తంగా ఉండి ఆసుపత్రుల్లో తగిన ఏర్పాట్లు చేయాలని, దోమల నివారణ కార్యక్రమాలనుముమ్మరం చేయాలని కేంద్ర ఆరోగ్య మంత్రిత్వ శాఖ సూచించింది.