కళ్యాణ కర్ణాటక ఉత్సవం సందర్భంగా సీఎం డీకే శివకుమార్ కలబురగి పర్యటనకు ముందు, మాజీ సీఎం సిద్ధరామయ్య అభిమానులు బుధవారం రాత్రి హైకోర్టు రోడ్డు కూడలి వద్ద తొమ్మిది అడుగుల బంగారు రంగు విగ్రహాన్ని అనుమతి లేకుండా ఏర్పాటు చేశారు. దాని పక్కనే 'సిద్ధరామయ్య రోడ్' అనే బోర్డును కూడా పెట్టారు.
అనుమతి లేకుండా ఏర్పాటు చేసిన ఈ విగ్రహాన్ని గురువారం ఉదయం మున్సిపల్ అధికారులు తొలగించారు. మొదట్లో దీన్ని జిల్లా యంత్రాంగమే ఏర్పాటు చేసిందేమోనని స్థానికుల్లో ఆసక్తికరమైన చర్చకు దారితీసింది.
కాంగ్రెస్ అధిష్టానం సూచన మేరకు జూన్‌లో సిద్ధరామయ్య పదవి నుంచి తప్పుకోగా, డిప్యూటీ సీఎంగా ఉన్న డీకే శివకుమార్ కర్ణాటక 18వ ముఖ్యమంత్రిగా బాధ్యతలు చేపట్టిన సంగతి తెలిసిందే. అధికారంలో లేకపోయినా అంతర్గత రిజర్వేషన్‌కు కట్టుబడి ఉంటానని సిద్ధరామయ్య ఇటీవలే ప్రకటించారు.