కీవ్ (ఎక్స్‌ప్రెస్ టుడే): రష్యా–ఉక్రెయిన్ మధ్య ఇంధన మౌలిక వసతులపై దాడులను నిలిపివేసేలా కాల్పుల విరమణ కుదిరిందంటూ అమెరికా అధ్యక్షుడు డొనాల్డ్ ట్రంప్ చేసిన ప్రకటనపై గందరగోళం నెలకొంది. ఈ కాల్పుల విరమణను రష్యా ఉల్లంఘించి తమ ఇంధన కేంద్రాలపై దాడులు కొనసాగిస్తోందని ఉక్రెయిన్ అధ్యక్షుడు వోలోడిమిర్ జెలెన్‌స్కీ సోమవారం ఆరోపించారు.
మరోవైపు, ఉక్రెయిన్‌తో ఇంధన కేంద్రాలపై దాడుల నిలిపివేతకు ఒప్పందం కుదిరిందా లేదా అనే విషయంపై రష్యా సోమవారం స్పష్టత ఇవ్వలేదు. ట్రంప్ ఏకపక్షంగా ప్రకటన చేయడంతో గందరగోళం ఏర్పడిందని నివేదికలు పేర్కొన్నాయి.
పుతిన్‌తో ఫోన్‌లో జరిగిన చర్చల్లో కుదిరిన ఒప్పందం ప్రకారం రష్యా 4 మిలియన్ టన్నులకు పైగా డీజిల్‌ను ప్రపంచ మార్కెట్‌కు సరఫరా చేస్తుందని ట్రంప్ శుక్రవారం చెప్పారు. ప్రపంచవ్యాప్తంగా డీజిల్ కొరత రోజుకు సుమారు 10 లక్షల బ్యారెళ్లుగా ఉందని కెప్లర్ అంచనా వేసింది.
అయితే ఈ ప్రకటనల కంటే పశ్చిమాసియాలో సరఫరా అంతరాయాల ఆందోళనలే చమురు ధరలపై ఎక్కువ ప్రభావం చూపాయి; సోమవారం చమురు ధరలు సుమారు 2 శాతం పెరిగాయి.