రాష్ట్రంలోకి వస్తున్న విదేశీ ప్రత్యక్ష పెట్టుబడుల (ఎఫ్‌డీఐ) గణాంకాలు రాజకీయ వివాదానికి దారితీశాయి.
పెట్టుబడిదారుల అనుకూల వాతావరణం కారణంగా రాష్ట్రంలో గణనీయమైన మార్పు వచ్చిందని చంద్రబాబు ప్రభుత్వం చెబుతుండగా, ఈ గణాంకాలు అవాస్తవమని వైఎస్సార్‌సీపీ నేతలు ఆరోపిస్తున్నారు.
పరిశ్రమల శాఖ విడుదల చేసిన నివేదికపై రెండు వర్గాల మధ్య వాదోపవాదాలు కొనసాగుతున్నాయి. దీనిపై శాసనసభలో చర్చ జరిగే అవకాశం ఉందని అధికార వర్గాలు తెలిపాయి.